Святителю Тихону Амафунтскому
Тропарь, глас 1
Пустынный житель, и в телеси ангел, /и чудотворец явился еси, Богоносе отче наш Тихоне: /постом, бдением, молитвою Небесная дарования приим, /исцеляеши недужныя и души верою притекающих ти. /Слава Давшему тебе крепость, /слава Венчавшему тя, /слава Действующему тобою всем исцеления.
Ин тропарь, глас 4
Образ был еси воздержания,/ Божественным Духом вся просветив,/ правоверием течение совершив,/ зловерныя обличил еси,/ отче наш святителю Тихоне,/ моли Христа Бога// спастися душам нашим.
Кондак, глас 3
В постничестве, святе, боголюбезном пребыв,/ Утешителеву силу с высоты приял еси,/ идол низложити прелести, люди же спасти,/ демоны отгнати, недуги исцеляти./ Сего ради почитаем тя, яко Божия друга,// Тихоне блаженне.
Ин кондак, глас 8
Иже Божественнаго Духа благодатию избран святитель явися/ и чудотворец показася предивен./ Яко солнце, чудесы сияя, Тихоне,/ память твоя пресветлая./ Темже зовем ти:/ радуйся, пресловущее миру светило.
Ин тропарь, глас 3 (перевод с греч.)
Истиннаго Божественнаго служения,/ устремился еси Вышнему,/ почитанием Святыя Троицы,/ достойне ты бо еси делами добродетельми просветился еси,/ Церкви предстоящий,/ святый и дивный отче наш Тихоне,/ моли Христа Бога,// даровати нам велию милость.
Θειας ετυχες, ιερατειας , νευσει κρειττονι εκλελεγμενος. ως θεραπων της Τριαδος επαξιος συ γαρ των εργων εκλαμπων ταις χαρισι. την Εκκλησιαν εστηριξας θαυμασι. Τυχων Οσιε, Χριστον τον Θεον ικετενε, δωρησασδαι ημιν το μεγα ελεος.
Величание
Величаем тя, святителю отче Тихоне, и чтим святую память твою, ты бо молиши за нас Христа Бога нашего.